دادگای تاوانەکانی نەجەف کار بە هەمواری یاسای لێبوردنی گشتی دەکات

964+
ئەحمەد مستەفا

دادگای تاوانەکانی نەجەف بەپێی ماددەی 405 لە یاسای سزادانی عێراقی بڕیاریدا رێوشوێنی یاسایی دژی دەستگیرکراوەکان رابگرێت، ئەوەش بەپێی یاسای لێبوردنی گشتی هەموارکراو کە لەم مانگەدا پەرلەمانی عێراق دەنگی لەسەر دا.

ئەو رێکارەی دادگاکە لە کاتێکدایە، دادگای فیدڕاڵی پێش ئەوەی یاساکە لە رۆژنامە بڵاوبکرێتەوە، بە فەرمانێک جێبەجێبوونی راگرت.

لە بڕیارێکدا کە ئەمڕۆ 6.2.2025 لە نوسراوێکی خۆیدا دادگای تاوانەکانی نەجەف دەرچوواندنی بۆی کردووە و 964 بینیوویەتی، دادگاکە بە سەرۆکایەتی دادوەر ئەحمەد عەبدولئەمیر عەتیە و بە ئەندامێتی دادوەر ئەحمەد عەبدولمەجید عەبدولعەباس و ئەسیر عەبدولحر جبر پێکهێنرا بۆ تاوتوێکردنی جێبەجێکردنی بڕگەکانی یاسای لێبوردنی گشتی ژمارە 27 ی ساڵی 2026 (هەمواری دووەم) کە لە 21ی کانوونی دووەمی 2025 بە ڕێنماییەکانی ئەنجومەنی باڵای دادوەری لە 3/2/2025 کەوتە بواری جێبەجێکردنەوە لە دۆسیەکانی بەسەریدا سەپێنراوە.

دادگا بڕیاری خۆی لە دژی دەستگیرکراوێک دەرکرد کە بە پێی ماددەی 405 ی یاسای سزادان رەوانەی دادگایی کرابوو و لە رۆژی دیاریکراوی دادگاییکردنەکەدا، دوای لێکۆڵینەوە دەرکەوت کە ئەو کارەی خراوەتە پاڵ تۆمەتباری ناوبراو (بە گریمانەی سەلمێنراوە راستە)، لەگەڵ بڕگەکانی ماددەی 406/1/س لە یاسای سزادانی ژمارە 3 ی ساڵی 2004 جێبەجێ دەکرێت، کە یەکێک نییە لەو تاوانە بەدەرکراوانەی کە لە یاسای لێبوردنی گشتی ژمارە 27 ی ساڵی 2016 (هەمواری دووەم) هاتووە و لە 21/1/2025 کاری پێکراوە.

لە 21 ی کانوونی دووەمدا، ئەنجومەنی نوێنەرانی عێراق لە دانیشتنێکی پەرلەمانیدا دەنگیدا بە هەموارکردنی یاسا جێناکۆکەکان (لێبوردنی گشتی، باری کەسایەتی و گەڕاندنەوەی موڵک بە خاوەنەکانی) و دواتر لە 4 ی شوباتی 2025 فەرمانی دەوڵەتی لەلایەن دادگای باڵای فیدراڵی عێراقەوە دەرکرد بۆ ڕاگرتنی جێبەجێکردنی سێ یاساکە.

یاسای لێبوردنی گشتی ئەنجومەنی دادوەری و دادگای فیدراڵی داوە بە گژی یەکدا