دیمانێکی سووتاندنی تایە لە سنووری هەولێر... وێنە: ژینگەی هەولێر.
"تایه و خاشاكى زۆر ده‌سوتێندرێت"
ژینگه‌ى هه‌ولێر به‌دواداچوون بۆ ئه‌و دوكه‌ڵه ده‌كات كه رۆژانه له بنه‌سڵاوه دروست ده‌بێت
964+
فه‌رهاد حه‌سه‌ن
ژینگه‌ى هه‌ولێر به‌دواداچوونى بۆ ئه‌و دووكه‌ڵه كرد كه رۆژانه له سنوورى بنه‌سڵاوه ده‌بیندرێت، كاتێك چوونه ئه‌م شوێنه بۆیان ده‌ركه‌وت، هاوڵاتیان ئه‌م كاره ده‌كه‌ن و لایه‌نه په‌یوه‌ندیداره‌كانیشیان ئاگادار كرده‌وه رێكاره‌كانیان بگرنه به‌ر.
فەرمانگەى ژینگەى هەولێر، سەردانى هەریەک لە شارەوانى و ئاسایشی بنه‌سڵاوەى كرد و به‌مه‌به‌ستى چارەسەرکردنى ئەم دوکەڵه زانیاری ته‌واوى پێدان.
دلشاد حسێن هیرانى، بەرێوەبەرى فەرمانگەى ژینگەى هەولێر، به 964ـى راگه‌یاند، بەشێک لە هاوڵاتیان تایە و وایەرى کارەبا و خاشاكى كۆكراوه ده‌سوتێنن و ئه‌م دوكه‌ڵه‌یان دروستكردووه.
وتیشی “شوێنى دروستبوونى ئه‌م دوكه‌ڵه كه‌وتووه نێوان بنه‌سڵاوه و داره‌توو و پاركی هه‌وار”.
ئاماژه‌ى به‌وه‌شكرد، هه‌ردوو لایه‌نى ئاسایش و شاره‌وانیان ئاگاداركردووه‌ته‌وه كه هاوكاریان بن بۆ كۆتایی هێنان به‌م دوكه‌ڵه كه كاریگه‌رى له‌سه‌ر به‌شێكی ژینگه‌ى هه‌ولێر دروستكردووه.
به‌پێی رێنماییه‌كانى ده‌سته‌ى پاراستنى ژینگه، هه‌ركه‌سێك ئه‌و كاره بكات سەرپێچی ژینگەییه و لە یاسایی ژمارە (8ـی ساڵی 2008) له مادەی (42) لەیاسای پاراستن و چاککردنی ژینگە دیاری كراوه و سزاشی بۆ داندراوه.
به‌پێی ماده‌كه، هه‌ر كه‌سێك ئه‌م جۆره سه‌رپێچییانه ئه‌نجام بدات، سزاكه‌ى بە بەندکردن یان سزای پێبژاردن ده‌بێت، کە لە 150 هەزار کەمترنەبێت و لە 200 ملیۆن دیناریش زیاتر نەبێت.
هەرکەس تایە بسوتێنێ تووشی لێپرسینەوە دەبێتەوە
بۆن و دوکەڵی خۆڵ و خاشاک گەڕەکێکی شیلادزێی بێزار کردووە
