فرۆشگەیەکی دراو دۆلاری ئەمریکی نیشانداوە _ وێنە: تۆڕی کۆمەڵایەتی
ئەمڕۆ دۆلار بە 161 هەزارە
+964
كوردستان ئەحمەد- هەولێر
لەگەڵ كردنەوەی بۆرسە لە بازاڕەكانی كوردستان، نرخی دۆلار زیاتر دابەزی.
ئەمڕۆ سێشه‌ممه 7ـی شوبات، نرخی 100 دۆلاری ئه‌مریكی لە بۆرسەی هەرێمی كوردستاندا بە 161 هەزار دینار فرۆشرا، دوێنێ دۆلار بە 162هەزار دینار بووە.
نرخی دۆلار لە بازاڕەكانی كوردستان و عێراقدا لە چەند رۆژی رابردوودا رووی لە دابەزین كردووە، لە 174 هەزار دینارەوە گەیشتە 161 هەزار دینار.
بانكی ناوەندیی عێراق دەڵێت “پلانیان هەیە نرخی 100 دۆلار بۆ 145 هەزار دینار، كە نرخە جێگیرەكەی خۆیەتی، نزم بكەنەوە”.
بۆ جێگیركردنی نرخی دۆلار، لیژنەیەك لە حكومەتی عێراق لە ئەمریكان و گفتوگۆ لەگەڵ بەرپرسانی باڵای ئەو وڵاتەدا دەكەن.