کێشەی کارەبای گەڕەکێکی سلێمانی چارسەر دەکرێت 

964+

توانا نەقی

به‌بڕی زیاتر له‌ 270 ملیۆن دینار كێشەی كارەبای گەڕەكی توەسپی لە سلێمانی  چارەسەر دەكرێت.

ئەمڕۆ پێنجشەممە، بەڕێوەبەرایەتی کارەبای سلێمانی بڵاویکردەوە، له‌سه‌ر بودجه‌ی داهاتی 8%ـی كاره‌بای سلێمانی بەدانانی ژماره‌یەك محەویلەی یاریدەر بۆ گەڕەكه‌كه‌ کێشەی کارەبایان چارەسەر دەکرێت.

دەشڵێت، پرۆژه‌كه‌ چەند بڕگەیەك لە خۆدەگرێت لەوانە دانانی محەویلەی یاریدەدەر بۆ محەویلەكانی ژمارە (39 +31+36+26) هەروەها دانانی محەویلە بۆ 41 ماڵ و ژمارەیەك ماڵی دیكە لە خوار كارگەی ئاوی کانی سارد لەسەر رێگای سەرەكی قەیوان.

بودجه‌ی پڕۆژه‌كه‌ پێکهاتووە لە بڕی 273 ملیۆن و 600 هەزار دینار  پرۆژەکەش له‌لایه‌ن كۆمپانیای یاتای جێبه‌جێ دەكرێت و بڕیارە لە ماوەی 95 رۆژدا تەواوبكرێت.

کێشەی کارەبای دەربەندیخان چارەسەر کرا