وەزارەتی رۆشنبیری و گەشتوگوزار و شوێنەواری عێراق
پێشتر لە كوردستانیش هەبوو
عێراق پارە دەداتە ئەدیب و رۆژنامەنووسان و هونەرمەندان
964+
ئەرسەلان عەبدوڵا
وەزیری رۆشنبیری و گەشتوگوزار و شوێنەواری عێراق ئاشكرای كرد، خەریكە پارە لە وەزارەتی دارایی وەردەگرێت و بەسەر ئەدیب و رۆژنامەنووسان و هونەرمەندان دابەشی دەكات.
ئەحمەد فەكاك بەدرانی ئەمڕۆ دووشەممە 30.12.2024 لە پەیجی فەرمی وەزارەتەكەی راگەیاند، مینحەی ئەدیب و رۆژنامەنووسان و هونەرمەندان بەم زووانە دابەش دەكرێت.
وتیشی، “خەریكین مینحەكە لە وەزارەتی دارایی وەربگرین و لە رێگەی یەكێتی و سەندیكاكانەوە دابەشی سەر ئەدیب و رۆژنامەنووسان و هونەرمەندانی بكەین.
لە عێراق وەرزشوانانی دێرین و پاڵەوانەكانی پێشووش، مانگانە بڕەپارەیەك لە شێوەی موچە وەردەگرن، وەك خەڵاتێكە بۆ خزمەتی چەندین ساڵەی رابردوویان.
پێشتر و تا ساڵی 2014، هونەرمەندان و وەرزشوانانی دێرین مانگانە بڕەپارەیەكیان وەك دیاری پێدەدرا، بەڵام دوای شەڕی دا*ع*ش و هاتنەپێشی قەیرانی دارایی، چیتر پارەكە دابەش نەكرا.
