لە دهۆک پاسێک ئاگریگرت و زیانی ماددی لێکەوتەوە - وێنە: بەرگری شارستانی دهۆک
تیمەکان زوو فریاکەوتن
پاسێک ئاگریگرت؛ بە زیانی ماددی لێى دەرچوو
964+
شۆڕش قادری
لە دهۆک پاسێک ئاگری گرت، تیمەکانی ئاگرکوژێنەوە زوو فریای کەوتن و تەنیا بە زیانی ماددی لێی دەرچوو.
بێوار عەبدولعەزیز وتەبێژی بەرگری شارستانی دهۆک بە 964ـی وت، “کاتژمێر 7:30 خولەکی بەیانی ئەمڕۆ دووشەممە 23.12.2024 لە ئۆڤەر پاسی نزارکێ پاسێک ئاگری گرت”.
“دوای رووداوەکە پەیوەندی بە تیمەکانی بەرگری شارستانی دهۆکەوە کرا و دەستبەجێ گەیشتنە شوێنی رووداوەکە و ئاگرەکەیان کۆنتڕۆڵ کرد”، بێوار عەبدولعەزیز وای وات.
ئاماژەی بەوەشکرد، رووداوەکە بەهۆی شۆرتی کارەبایی ناو پاسەکە روویداوە و زیانی گیانی نەبووە، تەنها زیانی ماددی لێکەوتووەتەوە.
وتەبێژی بەرگری شارستانی دهۆک وتیشی، دوو رۆژ پێش ئێستاش هەر لەو شوێنە ئۆتۆمبێلێکی تایبەت ئاگری گرت و زیانی ماددی لێکەوتەوە.
