رێکارەکانی گەڕاندنەوەی دوو تەرمەکە. فۆتۆ: دەزگای لوتکە
لە ئیجە خنکاون
رۆژی شەممە تەرمی دایک و منداڵە 10 مانگەکە دەگەڕێندرێنەوە زێدی خۆیان
964+
ژووری هەواڵ
رێکارەکانی گەڕاندنەوەی تەرمی ئەو دایک منداڵە 10 مانگەی لە مانگی رابردوودا لە دەریای ئیجە خنکان، تەواوبووە و بڕیارە رۆژی شەممە بگەڕێندرێنەوە هەرێمی کوردستان.
لە رێکەوتی 28.11.2024، نایلە مستەفا ئەحمەد 36 ساڵ و نور کاوێز سەعدوڵای کچی، کە تەمەنی تەنیا 10 مانگ بوو، لەگەڵ سێ هاوڵاتی دیکەی کورد و نزیکەی 30 هاوڵاتی بیانی، یەختەکەیان تێکشکا.
ئەمڕۆ چوارشەممە 11.12.2024، دەزگای لوتکە بۆ کاروباری پەنابەران رایگەیاند، سەرجەم ڕێکارە یاساییەکان بۆ گەڕانەوەی تەرمەکان تەواو بوون و بڕیارە لە رێکەوتی 14.12.2024 بگەڕێندرێنەوە بۆ زێدی خۆیان.
دایک و منداڵەکە لەگەڵ سەرۆکی خێزانەکەیان بە مەبەستی گەیشتن بە وڵاتی ئەوروپا بەڕێکەوتوون، خەڵکی سنوری ئیدارەی راپەرینن، لە رووداوەکە باوکەکە دەربازی بووە.
