وێنەی بەشێک لەو دایکانەی کە لە چاکسازیەکدا منداڵەکانیان بەخێودەکەن. فۆتۆ: چاکسازی ژنان و منداڵانی سلێمانی
هاوکاری مادی
هاوکاری ئەو دایکانە دەکرێت کە لە گرتوخانەکاندا منداڵەکانیان بەخێودەکەن
+964
ژووری هەواڵ
لە سلێمانی، رێکخراوێک هاوکاری ئەو دایکانە دەکات کە لەنێو گرتووخانەی چاکسازییەکان منداڵیان هەیە و ئەرکی بەخێوکردنی منداڵەکانیان لەئەستۆدایە.
هاوکارییەکان مادین، بەڕێوەبەرایەتی چاکسازی ژنان و منداڵان لە سلێمانی دەڵێت، رێکخراوی مرۆڤدۆستان بەو ئەرکە هەستاون و لە سەردانێکدا بۆ چاکسازییەکە هاوکارییەکانیان پێشکەشکردووە.
جگە لە هاوکاری مادی، رێکخراوەکە نەقالەی کارەبایی و کورسی نەخۆشیان پێشکەشی بنکەی تەندروستی چاکسازی ژنان منداڵان کرد.
بەگوێرەی ئاماری وەزارەتی کار و کاروباری کۆمەڵایەتی، نزیکەی پێنج هەزار زیندانی لە شەش چاکسازیدان.
