باسم عەوادى، وتەبێژى حکومەتى عێراق
"دابەشکردنى سوریا هێڵى سورە"
لەبارەى سوریاوە عێراق هەڵوێستى فەرمى راگەیاند
964+
وریا فەتاح
وتەبێژى حکومەتى عێراق هەڵوێستى وڵاتەکەى لەبارەى دەستوەردانى سەربازى لە سوریا راگەیاند و دەشڵێت،”دابەشکردنى سوربا هێڵى سورە بۆ عێراق”.
ئەمڕۆ هەینى، باسم عەوادى، وتەبێژى حکومەتى عێراق لە بەیاننامەیەکدا بڵاوى کردەوە کە عێراق توانیویەتى بەسەر ئەو ئاستەنگانەدا زاڵ بێت کە رووبەڕووى ناوچەکە بوونەتەوە و بەرکەوتەى قەیرانى دارایى و سیاسى نەبووە.
“عێراق توانی بەسەر ئەو ئاستەنگانەدا زاڵ بێت کە ڕووبەڕووی ناوچەکە بوونەتەوە، و بەرکەوتەی قەیرانی دارایی و سیاسی نەبووە”، باسم عەواى واى وت.
جەختیشى کردەوە کە عێراق پاڵپشتى لە یەکگرتوویى خاکى سوریا دەکات و هەر جۆرە دابەشبوونێک لە سووریا رووبدات، عێراق رەتى دەکاتەوە.
وتەبێژى حکومەتى عێراق ئاماژەى بەوەشکرد، عێراق کاردەکات بۆ دۆزینەوەى چارەسەرێکى سیاسى و هاوسەنگ بۆ دۆخى سوریا، چونکە وەک دەڵێت،”دابەشکردنی سوریا هێڵی سوورە بۆ عێراق”.
