"سۆپا بەنەوتەوە هەڵمەگرن"

زستان نزیکە و رۆژ رۆژی سۆپایە؛ وەستایەک رێنمایی هەیە

ئەحمەد شەمزین – هەولێر

نزیك دەبینەوە لە وەرزی زستان و لەم بێ کارەباییەشدا، رۆژ رۆژی سۆپایە، وەستایەک رێنمایی دەداتە دایکان و خوشکان و دەڵێت، قەت لە ژوورەوە نەوت لە سۆپا مەکەن بۆ ئەوەی تووشی کارەسات نەبن.

هەلۆ حەمید وەستایەکی بەئەزموونە و 43 ساڵە دەستی لەناو سۆپا و موبەریدە دایە، ئەو قسەی بۆ مایکی 964 کردووە و دەڵێت، “سۆپاکانی ئێستا تانکیان هەیە، دەتوانن هەموو جارێک تانکییەکەی دەربکەی و لە دەرەوە بێ کێشە، پڕی بکەی لە نەوت”.

“سۆپا بەنەوتەوە هەڵمەگرن چونکە ژەنگ دەکات، بە هیچ جۆرێکیش لە کاتی هەڵگرتنەوەی موبەریدە، موبەریدە مەشۆن، لەبەر ئەوەی ئاو بەر ماتۆڕەکەی دەکەوێ و دەسووتێ”، وەستا هەڵۆ وادەڵێت.

پێداچوونەوە؛ شۆڕش قادری