ئەمڕۆ سەرۆک وەزیران بانگهێشتی پەرلەمان دەكرێت

964+

ئەرسەلان عەبدوڵا

ئەمڕۆ چوارشەممە ئەنجومەنی نوێنەرانی عێراق “پەرلەمان” بانگهێشتی سەرۆک وەزیران محەمەد شیاع سودانی دەكات لە بارەی بارودۆخی ناوچەكە و بەرنامەی حكومەتەكەی.

نووسینگەی سەرۆك وەزیرانی عێراق بڵاویكردەوە، ئەنجومەنی نوێنەران میوانداریی سەرۆک وەزیران محەمەد شیاع سودانی دەكات، ئەمەش لەسەر داوای سەرۆک وەزیران خۆی بووە، بۆ ئەوەی لە بارەی سیاسەتی حكومەتەكەی و گرتنەبەری رێوشوێنەكان سەبارەت بەو پێشهاتانەی لە دەوروبەر و ناوچەكە روودەدەن، بە تایبەتی لە دوای رووداوەكانی 7ی ئۆكتۆبەری 2023.

ئاماژەیان بەوەش كردووە، لە دانیشتنەكەی ئەمڕۆدا سودانی باس لە كارەكانی حكومەت دەكات، بە تایبەتی پڕۆژەكان و یاسا پێویستەكان و چەند بابەتێكی دیكە لە چوارچێوەی پلانی گەشەپێدان.

ئەنجومەنی نوێنەرانی عێراق ئەم هەفتەیە سێ دانیشتنی كردووە، بەڵام لە بارەی كۆمەڵێك یاسا نەیتوانی هیچ كۆدەنگییەك بكات و بابەتەكان بە هەڵپەسێردراوی ماونەتەوە، بە تایبەتی یاساكانی لێبوردنی گشتی، گەڕاندنەوەی موڵكی هاوڵاتیان، باری كەسی و چەند بابەتێكی دیكە.

سودانی بڕیاری دا کەمپەینی ''لها''ی تایبەت بە خانمان دەستپێبکات