سایلۆی گەنمی هەولێر. وێنە:964
پارەی گەنم
سبەی سایلۆکانی هەولێر و قوشتەپە پارە دەدەن بە نزیکەی 400 جوتیار
964+
ژووری هەواڵ
سبەی یەکشەممە، سایلۆکانی هەولێر و قوشتەپە بەشێکی دیکە لە پارەی گەنم دابەش دەکەن و چەکی شایستەکانیان دەدەن بە نزیکەی 400 جوتیاران.
ئەمڕۆ شەممە 30.11.2024، سایلۆی هەولێر رایگەیاند، جوتياران ئاگادار دەکاتەوە رۆژی یەکشەممە کە دەکاتە 1.12.2024 دابەشکردنی چەکی جوتياران دەستپێدەکات لە زنجیرە سێ هەزار و 222 تا زنجیرە سێ هەزار و 450 کە گەنمەکانیان رادەستی سایلۆی هەولێر کردوە.
سایلۆی قوشتەپەش هەمان کات، واتە سبەینێی دیاریکردووە بۆ دابەشکردنی چەکی جوتیاران و پێدانی چەکەکان لە زنجیرە یەک هەزار و 91 دەستپێدەکات تا زنجیرە یەک هەزار و 155.
جوتیاران شاری کۆیەش، لە زنجیرە 219 تا 269 کە گەنمەکانیان رادەستی گۆڕەپانی کۆیە کردووە، دەتوانن لە بانکی بەحرکە چەکی پارەکانیان وەربگرن.
کاتی پێدانی چەکەکان لە کاتژمێر 9:00ـی بەیانی دەستپێدەکات تا کاتژمێر 1:00ـی پاش نیوەڕۆ.
“ئەو کەسەی چەکی بەناوە دەبێت خۆی ئامادەبێت، یان بریکارنامەی پەسەندکراوی ئەمساڵ بێت، ئەگەریش خاوەن چەک وەفاتی کردبێت، دەبێت دابەشنامەی یاسایی بهێنێت لەگەڵ بریکارنامەی هەموو وارسەکان”، سایلۆی هەولێر وا دەڵێت.
