چەند بڕگەیەكی قورس چاوەڕێی كۆبوونەوەی ئەنجومەنی نوێنەرانی عێراقە

ئەرسەلان عەبدوڵا

راگەیاندنی ئەنجومەنی نوێنەرانی عێراق بەرنامەی كۆبوونەوەی سبەی یەكشەممەی بڵاوكردەوە، كە چەند بڕگەیەكی قورس گفتوگۆ دەكرێ و چاوەڕێی دەنگدانن.

بەپێی راگەیاندراوی ئەنجومەنی نوێنەرانی عێراق سبەی یەكشەممە كاتژمێر 1:00ی نیوەڕۆ دانیشتنی ئەنجومەنەكە بەڕێوەدەچێت، بەرنامەی كاریش چەند خاڵێكی گرنگن، كە ئەمانەن:

*دەنگدان بۆ یاسای باری كەسی، ژمارە 188ی ساڵی 1959، ماددەكانی 2 و 10

*دەنگدان بۆ یاسای گەڕاندنەوەی موڵك بۆ خانەوانەكانیان، ئەوانەی یاسای ئەنجومەنی هەڵوەشاوەی سەركردایەتی بەعس دەیانگرێتەوە، مادەی 5.

*دەنگدان بۆ هەمواری دووەمی یاسای لێبوردنی گشتی، ژمارە 27 ساڵی 2016، 2 مادە

*راپۆرت و گفتوگۆ “خوێندنەوەی دووەم” بۆ پڕۆژەیاسای هەمواری پێنجەمی یاسای فڕۆكەوانیی مەدەنی ژمارە 148 ساڵی 1974، 58 مادە.

*راپۆرت و گفتوگۆ “خوێندنەوەی دووەم” بۆ پڕۆژەیاسای هەمواری یەكەمی یاسای شاری پیشەسازییەكان ژمارە 2 ساڵی 2019.