نرخی نەوت کەمێکی تر دابەزی
چەند رۆژێکە سەرەوخوارە
نرخی نەوت کەمێکی تر دابەزی
964+
شۆڕش قادری
دوای راگەیاندنى ئاگربەست لە لوبنان، نرخی نەوت رووی لە دابەزین کردووە و ئەمڕۆش چەند سەنتێکی دیکەی لێبووەوە.
ئەمڕۆ شەممە 30.11.2024، نرخی یەك بەرمیل نەوتی خاوی برێنت لەگەڵ کردنەوەی بازاڕى جیهانیدا بە 72 دۆلار و 94 سەنت، دیاری کراوە و بەراورد بە دوێنێ چەند سەنتێکی کەم دابەزیوە.
هەروەها نرخی یەك بەرمیل نەوتی سووكی تێكساس بە 68 دۆلار مامەڵەی پێوە دەکرێت.
ماوەی هەفتەیەک بوو نرخی یەک بەرمیل نەوت بۆ نزیکەی 75 دۆلار بەرزببووەوە، بە وتەی شارەزایانی ئابووری، ناکۆکییەکانی نێوان ئێران و وڵاتانی رۆژئاوا لەسەر بەرنامە ئەتۆمییەکەی تاران و پەرەسەندنی شەڕ و پێکدادانەکانی نێوان روسیا و ئۆکراین هۆکار بوون بۆ بەرزبوونەوەی نرخی نەوت، بەڵام دوای ئاگربەستە کاتییەکەی چەند رۆژی رابردووی نێوان ئیسرائیل و حزبوڵای لوبنان، جارێکی تر نرخی نەوت رووی لە دابەزین کردەوە.
ئاگربەست کاریگەرى گەورەى لەسەر نرخى نەوت دروست نەکرد
