چوار چەکداری داعش کوژران
حەشارگەیەکی داعش لە چیای حەمرین خاپوور کرا
964+
ژێوار خدر
فڕۆکە جەنگیەکانی عێراق بۆردومانی چیای حەمرینیان کرد و چوار چەکداری داعش کوژران.
فەرماندەیی ئۆپەراسیۆنە هاوبەشەکانی عێراق لە راگەیەنراوێکدا دەڵێت، “فەرماندەیی ئۆپەراسیۆنە هاوبەشەکان، بە بەکارهێنانی فڕۆکەی F-16 لە ئۆپەراسیۆنێکی سەربازیدا، هێرشیكی ئاسمانییان لە چیای حەمرینی سنوری پارێزگای کەرکوک بۆ سەر مۆڵگەیەکی تیرۆریستانی داعش ئەنجامدا و لە ئاکامدا چوار چەکداری داعش کوژراون و مؤلگەکەشیان خاپوور کرا”.
ئاماژەی بەوەشکردووە، لە ئۆپەراسیۆنەکانیان بەردەوام دەبن بۆ رووبەڕووبوونەوەی “تیرۆرستان” و لەناوبردنیان.
ئەوەش کاتێکدایە، لە سەرەتای ئەم مانگەدا لە ئۆپەراسیۆنێکی دوورۆژەدا لەلایەن فەرماندەیی ئۆپەراسیۆنە هاوبەشکانی عێراق لە سنوری کەرکورک و سەڵاحەدین، چوار چەکداری دیکەی داعش کوژراون.
