ئەو خوێندکارانەى لە کۆلێژەکانى خانەقین وەرگیراون سەردانیان مەکەن

وریا فەتاح

بەڕێوەبەرایەتی تۆماری گشتی زانگۆى گەرمیان، ئاگادارى ئەو خوێندکارانە دەکاتەوە کە لە کۆلێژەکانى (زمان، زانستە مرۆڤایەتییەکان، پەروەردەی جەستەیى و زانستە وەرزشییەکان، کۆمپیوتەر و تەکنەلۆژیاى زانیارى) خانەقین وەرگیراون سەردانیان نەکەن بۆ خۆتۆمارکردن.

وەک بەڕێوەبەرایەتییەکە روونى کردووەتەوە، بەهۆی پرۆسەی سەرژمێری گشتیی و بەنوسراوی ئەنجومەنی وەزیران ژمارە لە 14 بۆ 23ـى ئەم مانگە، پشووى فەرمییە لە سنوورى مادەى 140.

دەشڵێت: ئەو کۆلێژانەى زانکۆی گەرمیان لەبەرئەوەی لەناوچەی مادەی 140ن پشووەکە دەیانگرێتەوە.

ئاماژەى بەوەشکردووە، لە کۆلێژەکانى دیکەی زانکۆی گەرمیان دەوام ئاساییە و خوێندکاری تازە وەرگیراو دەتوانێت مامەڵەى خۆتۆمارکردن تەواو بکات.