نزیکەی 222 کیلۆ ماسی دەستی بەسەرداگیرا و تەلەف کرا

+964

ژێوار خدر

ماسیفرۆشە دەستگێڕەکانی راپەڕین ماسی نەشیاویان فرۆشتووە و لەلایەن لیژنە هاوبەشەکانی قایمقامەوە دەستیان بەسەرداگیرا و تەلەف کران.

ئەمڕۆ پێنجشەممە 7.11.2024، قایمقامیەتی قەزای رانیە رایانگەیاند، لیژنە هاوبەشەکانیان لە بەشی ئابووری سەردانی ماسیفرۆشەکانی هەریەک لە رانیە، چوارقوڕنە و حاجیاوایان کردووە، بە مەبەستی پشکنین بۆ جۆر و کواڵیتی ماسییەکان.

دەشڵێت، لە ئەنجامی گەڕانەکە جگە لەوەی ئاگادارکردنەوەیان بۆ چەند ماسیفرۆشیک کردووە بەهۆی پابەندنەبوونیان بە مەرج و رێنماییەکانەوە، هاوکات دەستیشییان گرتووە بەسەر نزیکەی 222 کیلۆ ماسی لەلای دەستگێڕەکان، کە ماسییەکانیان کوالێتیان خراپ بووە و شیاوی خواردن نەبوون و لەلایەن لیژنەکانەوە تەلەف کراون.

بەپێی راگەیاندراوەکە ماسیفرۆشێکی دەستگێڕ لە حاجیاوا، نزیکەی 46 کیلۆ، لە چوارقوڕنە 66 کیلۆ و لە رانیەش دەستگێڕێک 110 کیلۆ ماسی دەستیان بەسەرداگیرا.

لە رانیە 70 کیلۆ قارچک کە رێکەوتی ساختەی لەسەربووە دەستیبەسەردا گیرا