نرخى تەماتە دوو هێندەى هەفتەى رابردوو بەرز بووەتەوە

دیلان محەمەد جەزا

شەپۆلى بارانەکە و هاتنى سەرما، نرخى تەماتەى دووقات بەرز کردەوە بەشێوەیەک نرخى هەر کیلۆیەکى گەیشتووە بە هەزار و 300 دینار، عەلوەى سلێمانیش دەڵێت، بەرزتر دەبێتەوە.

سەروەر عەلی سەرۆکی سەندیکای عەلوەی سلێمانی بە 964ـى وت،” بەهۆی نەمانی بەرهەمی خۆماڵ و هاوردەکردنى لە سوریاوە کە لە رێگەی بەغداوە دێت، هەر کیلۆیەک تەماتە نرخەکەی بەرزبوەتەوە بۆ هەزار و 300 دینار و زیاتریش بەرز دەبێتەوە”.

لە چەند رۆژی رابردوو هەر کیلۆیەک تەماتە بە 600 دینار بووە، ماوەی دوو رۆژە بەو شێوەیە بەرزبوەتەوە

جگە لە تەماتە، بە وتەى سەروەر عەلى، نرخى خەیار و کولەکە و بیبەریش بەرز بووەتەوە، بەشێوەیەک خەیار بە 900 دینارە و کولەکە و بیبەریش بە هەزارە و بەراورد بە هەفتەى رابردوو 40%ـى نرخەکانیان بەرز بوونەتەوە.

پێداچوونەوە: وریا فەتاح