بەڕێوەبەرێکی گشتی لە عێراق بە هەشت ساڵ زیندانی سزادرا

964+

کاکەلاو عەبدوڵا

دەستەی دەستپاکی عێراق رایگەیاند، بەڕێوەبەری گشتیی پێشووی کۆمپانیای دابەشکردنی بەرهەمە نەوتییەکان بە هەشت ساڵ زیندانی و پێبژاردنی 55 ملیار دینار سزادراوە بەهۆی قازانجکردن و گەندەڵی لە کۆمەڵێک گرێبەستدا.

دەستەی دەستپاکی دەڵێت، حسێن تاڵیب، بەڕێوەبەری گشتیی پێشووی کۆمپانیای دابەشکردنی بەرهەمە نەوتییەکان قازانجی لە گرێبەستەکانی کۆمپانیای پاڵاوگەکانی باوور کردووە و پابەندکراوە بەوەی 55 ملیار دینار بۆ خەزێنەی گشتی بگەڕێنێتەوە.

دەستگیرکردنی حسێن تاڵیب بەشێکە لەو هەڵمەت و رێکارانەی حکومەتەکەی عەلی زەیدی کە دژی “گەندەڵکاران” دەستیپێکردووە کە تێیدا چەندین بەرپرسی ئێستا و پێشوو لەسەر گەندەڵێ و پارە خواردن دەستگیرکراون.

پێشتر لە مانگی تەمووزی ئەمساڵ حسێن تاڵیب بەتۆمەتی گەندەڵی لە پۆستەکەی دقوورخرایەوە و لە مانگی ئاب عەلی حسێن جێگەی گرتەوە.

کۆمپانیای دابەشکردنی بەرهەمە نەوتییەکان یەکێکە لە کۆمپانیاکانی سەر بە وەزارەتی نەوتی عێراق و کاری دابەشکردنی سووتەمەنی و نەوتە بەسەر پاریزگاکاندا.