بۆ پیادە پردێکی سەر شووشە لە ماسیکێ دانرا

964+
ئەحمەد مستەفا

شارەوانیی دهۆک، لە گەڕەکی ماسیکێ پردێکی پەڕینەوەی پیادەی لە نزیک قوتابخانەی هەڤوت دانا و 90٪ی کارەکانی تەواو بووە.

ئەمڕۆ 3.11.2024 کارەکانی تەواوکاری پردەکە بەردەوامی هەبوو.

پارێزگای دهۆک لە راگەیەندراوێکدا باسی لەوە کردووە، دانانی پردەکە لەسەر شەقامی 30ی مەتری ماسيكێ لە دهۆک، لەلایەن تيمەکانی سەرۆكایەتیی شارەوانی دهۆکەوە دانراوە و کارەکانی روو لە تەواوبوونن.

بە تەوابوونی پردەکە، قوتابیانی قوتابخانەکە و دانیشتووانی گەڕەکەکە، کە دەکەونە سەر شەقامە گشتییەکە، دەتوانن سوودی لێ ببینن،

پارێزگای دهۆک دەڵێت، ئەمە دەبێتە یەکەم پردی پیادە، کە بە شووشە سەری داپۆشراوە و پڕۆژەکە راستەوخۆ شارەوانی لەسەر بودجەی بەردەستی خۆی کاری تێدا دەکات.

یەکەم زانکۆ لە دهۆک مامۆستا وانەبێژەکانی کرد بە گرێبەست

بەڕێوەبەرایەتی گشتی وەرزشی دهۆک و زاخۆ ماڵ جیایى دەکەن