بازاڕی سەوزە و میوە فرۆشانی دهۆک
سەوزە و میوە لە دهۆگ گران بووە
+964
هێڤی دێوالی – دهۆك
نرخی سه‌وزه و میوە لە بازاڕەكانی دهۆك زیادی كردووە، پیاز و خه‌یار و لاله‌نگی گران بوونه.
هەفتەیەك پێش ئێستا كیلۆیەك پیاز له بازاڕه‌كانی دهۆك بە 500 دینار بوو، ئەمڕۆ سێشه‌ممه لە بازاڕدا یەك كیلۆ بە 1500دینارە، بیبەری رەنگاورەنگ كیلۆی بە هەزار دینار بوو، ئەمڕۆ به 2 هەزار و750 دینارە، هه‌روه‌ها لاله‌نگی و خەیار و كیلۆی بە 500 دینار بوو، ئەمڕۆ هەریەكەیان كیلۆی لە نێوان 1500 بۆ دوو هەزاردایە.
شوكر شەفیق بەرپرسی راگەیاندنی بەڕێوه‌بەرایەتیی چاودێریی بازرگانی له پارێزگای دهۆك بە تۆڕی 964ی راگەیاند، “نەبوونی بەرهەمی ناوخۆیی بووەتە هۆی ئەوەی كە نرخی میوە و سەوزە لە بازاڕەكانی دهۆكدا زۆر بەرزببێتەوە”.
تادێت نرخەكان بەرزتر دەبنەوە لەبەر ئەوەی وەرزی زستان خواست لەسەر میوە و سەوزەكان روو لەزیادبوونەوە و بەرهەمە ناوخۆییەكان روو لە كەمی دەكات