کارمەندێکی بەرگری شارستانی لە کاتی کۆنتڕۆڵ کردنی ئاگری ماڵەکە وێنە: بەرگری شارستانی زاخۆ
هیچ زیانێکی گیانی بەدواوە نەبوو
لە زاخۆ ماڵێک سووتا
964+
ژێوار خدر
لە ناحیەی رزگاری قەزای زاخۆ نزیکەی کاتژمیرێک لەمەوبەر ماڵێک سووتا و جگە لە زیانی مادی هیچ زیانێکی گیانی نەبوو.
بەڕێوەبەرایەتی بەرگری شارستانی زاخۆ رایگەیاند، کاتژمێر 10:35 خولەکی بەیانی ئەمڕۆ هەینی 11.10.2024 پەیوەندیمان پێوەکرا کە ئاگر لە ماڵێک کەوتووەتەوە لە ناحیەی رزگاری (کۆمەڵگەی باکرما).
دەشڵێت، تیمەکانمان گەیشتوونەتە شوێنی رووداوەکە و ئاگرەکەیان کۆنتڕؤڵ کردووە و هیچ زیانێکی گیانی نەبووە.
بەپێی ئەو وێنانەی بەڕێوەبەرایەتی بەرگری شارستانی زاخۆ بڵاویکردوونەتەوە، ئەو شوێنەی کە سووتاوە، چێشتخانەی ماڵەکەیە و بەشێک لە کەلوپەلەکانی سووتاون و دیوارەکانیشی بە تەواوی رەش بوون.
