ئەمبوڵانسی مۆدێل 2006ـی هەبوو
پاش چاوەڕوانییەکی زۆر نەخۆشخانەی خانەقین بوو بە خاوەنی ئەمبوڵانسێکی نوێ
+964
راژان باجەڵان – خانەقین
نەخۆشخانەی خانەقین خاوەن سێ ئەمبوڵانسە، بەڵام هیچیان بەکەڵک نایەن و چەند جارێک لە نیوە رێگا تێکچوون و پەکیانکەوتووە.
د. شوان شاکر، بەرێوەبەری نەخۆشخانەی گشتی خانەقین بە 964ی وت، ئەمبوڵانسێکی نوێ لە جۆری (تۆیۆتا هایس) مۆدێلی 2018 بە نەخۆشخانەی خانەقین گەیشت، ئەوەش پاش چاوەڕوانییەکی زۆر و دونیایەک کێشە لەگەڵ ئەمبوڵانسە کۆنەکان کە توانای کارکردنیان نەمابوون.
ئەمبوڵانسە کۆنەکان مۆدێلی 2006ـن و سیستەمی ساردکردنەوەکەشیان کارناکات.
خانەقین ئێستا کە ژمارەی دانیشتوانی 200 هەزاری تێپەڕاندووە بە تەنها یەک ئەمبوڵانس بەڕێوە ناچێت و لە نزیکترین کاتدا پێویستی بە هی تریش دەبێت، د. شوان شاکر وای وت.
