سبەینێ بەردی بناغەی پرۆژەیەکی گەورەی ئاو لە هەولێر دادەنرێت

توانا نەقی

سبەینێ یەکشەممە، بەردی بناغەی گەورەترین پڕۆژەی ئاو بۆ شاری هەولێر دادەنرێت بە قسەی بەرپرسانی حکومەت و پارێزگاکە لە ماوەیەکی کەم و بەیەکجاری کێشەی ئاوی خواردنەوەی هەولێر چارەسەر دەبێت.

پشەوا هەورامانی وتەبێژی حکومەیی هەرێ بڵاویکردەوە، ئەو پڕۆژەیە هیچ پەیوەندی بە پڕۆژەکانی ئیفرازەوە نییە و لە زێی گەورەوە ئاو دەگەیێنرێتە هەولێر و لە رێگەی کۆمپانیایەکی خۆماڵی کارەکە جێبەجێ دەکرێت.

ئاماژەی بەوەشکردووە، ئەو پرۆژەیە وەک پڕۆژەیەکی خێرای فریاگوزاری و دوای تەواوبوونی بڕی ئەو ئاوەی دەگاتە ناو هەولێر زیاترە لە هێندە و نیوێکی هەموو ئەو ئاوەی کە ئێستا بۆ خواردنەوەی هاونیشتمانیانی شارەکە دابین دەکرێت.

هەولێر ئاو لە هەرسێ پرۆژەی ئیفراز یەک و دوو سێ وەردەگرێت و بە بەردەوامی زۆربەی گەڕەکەکانی کێشەی کەمی ئاو یان نەبوونی ئاوی خواردنەوەیان هەیە.