پردی ئاوێنەی شار دروست دەكرێت

+964

توانا نەقی

لەسەر کۆڕینیش و لە سنووری قەزای بنەسڵاوە دەستکراوە بە دروستکردنی پردی 10 چاوەی ئاوێنەی شار و کارکردن تێیدا بەردەوامە.

ئەمڕۆ شەممە پارێزگای هەولێر بڵاویکردەوە، کارکردن لە پرۆژەی پردی 10 چاوەی ئاوێنەی شار لەسەر کۆڕنیش بەردەوامە و لەسەر بودجەی پارێزگاو لەلایەن ئاودێری هەولێرەوە سەرپەرشتی دەکرێت.

دەشڵێت، تێچووی پرۆژەکە 132 ملیۆن دینارە و لە رووی ئاودێری و گەشتیاریشەوە سوود بە دانیشتوانی سنووری قەزای بنەسڵاوە دەگەیەنێت.

ئەوەی کەلەو وێنانەی پارێزگای بڵاویکردووەتەوە دەردەکەوێت، پردەکە پێکهاتووە لە 10 کونی گەورە، کە بە چاو ناوی دەبرێت و ئاویان پێدا تێپەڕدەبێت.