تانکەرێک کەوت بەسەر ئۆتۆمبێلێکدا و دوو کەس گیانیان لەدەست دا

+964

دیلان محەمەد جەزا

کەمێک لەمەوبەر لەسەر رێگای تاسلوجە – بازیان لە نزیک ئەڵڵایی تانکەرێک دەکەوێت بەسەر ئۆتۆمبێلێکدا و دوو کەس گیان لە دەست دەدەن.

بەهمەن عەبدولا وتەبێژی هاتوچۆی سلێمانی بە 964ـی وت، بەهۆی لە دەستدانی کۆنترۆڵی تانکەرێکەوە دەکەوێت بەسەر ئۆتۆمبێلێکدا و لە ئەنجامدا دوو کەس لەناو ئۆتۆمبێلەکە گیان لە دەست دەدەن.

باسی لەوەکرد، تانکەرەکە بەهۆی لە دەستدانی کۆنترۆڵەوە وەرگەڕاوە و کەوتوە بەسەر ئۆتۆمبێلە تایبەتەکەدا و شۆفێری و سەرنشینی ئۆتۆمبێلە تایبەتەکەی تێدا بووە.

ئەوەی خستەرو، بەهۆی رووداوەکە لۆد و قەرەباڵغیەکی زۆر لەسەر شەقامەکە دروست بووە و تیمەکانی هاتوچۆ سەرقاڵی کەمکردنەوەی ئەو لۆدەن.

.هاتوچۆی سلێمانیش لە تۆڕی کۆمەڵایەتی فەیسبوک بڵاویکردووەتەوە، کە شۆفێری بارهەڵگرەکە عەرەبە و ئەوانەی ناو ئۆتۆمبێلە تایبەتەکەش خەڵکی دوزخورماتوون،

پێداچوونەوە: توانا نەقی