دیمهنێكی بهڕێوهبهرایهتى ناحیه‌ى سێگردكان كه له سۆشیاڵ میدیاكهى بڵاوكراوهتهوه.
6000 كه‌سی لێده‌ژى
كێشه‌و گرفته ته‌ندروستییه‌كانى ناحیەی سێگردكان گه‌یه‌ندرایه وه‌زیرى ته‌ندروستى
964+
فه‌رهاد حه‌سه‌ن
ناحیه‌ى سێگردكانى سنوورى قه‌زاى كۆیه، چه‌ندین كه‌موكوڕی له‌بوارى ته‌ندروستیدا هه‌یه، به‌ڕێوه‌به‌رى ناحیه‌ش هه‌موو كه‌موكوڕییه‌كانى خسته سه‌ر كاغه‌ز و له رێگه‌ى یاداشتنامه‌یه‌كه‌وه ئاراسته‌ى وه‌زیری ته‌ندروستى كرد.
كورتكراوه‌ى كه‌موكوڕییه‌كان بریتی له دروستکردنی بینای تایپ C ، بەهەمیشەییکردنی گرێبەستەکان، دامەزراندنی خۆبەخشەكان بە شێوەی گرێبەست و کردنەوەی نەخۆشخانەی 24 کاتژمێری.
به‌كر فه‌یسه‌ڵ، به‌ڕێوه‌به‌رى ناحیه‌ى سێگردكان به 964ـى راگه‌یاند، یاداشتى كه‌موكوڕییه‌كانیان داوه‌ته وه‌زیری ته‌ندروستى و ئه‌ویش به‌ڵێنى پێداون بەپێی توانای حکومەت کاریان لەسەر دەکات.
وتیشی “هه‌رچه‌نده هیچ بڕیارێك بۆ جێبه‌جێكردنى كه‌موكوڕییه‌كان نه‌دراوه به‌ڵام پێیوتین كه لایەنە پەیوەندیدارەکان رادەسپێرێت بۆ جێبەجێکردنی ئەو داوا و گرفتانەی، کە له توانادایە چارەسەر بکرێن”.
ئاماژه‌ى به‌وه‌ش كرد، له‌گه‌ڵ پێزانینیان به دۆخى خراپی حكومه‌ت، به‌ڵام به پێویستیشیان زانیوه کێشە و گرفتەکانی کەرتی تەندروستیی سنوورى ناحیه‌كه‌ى بگه‌یه‌نێت.
له سنوورى ناحیه‌ى سێگردكان 10 گوند هه‌ن، به‌پێی تۆمارى فۆڕمی خۆراكیش له سنووره‌كه‌دا شه‌ش هه‌زار هاوڵاتی ده‌ژین.
