پارکی باداوە بە مێزی تێنسەوە نۆژەنکرایەوە

توانا نەقی

پارکی باداوە لە هەولێر نۆژەنکرایەوە و جگە لەوەی کەمووکوڕیەکانی پارکەکە چارەسەر کرا، مێزی تێنسیشیان بۆ وەرزشوانان زیادکردووە لە ناو پارکەکە.

بەڕێوەبەرایەتی ئەندازەی پارکەکانی هەولێر بڵاویکردەوە، لە رووناوکی ناو پارکەکەوە هەتا ئاودەستەکان و دانانی سێتی وەرزش کردن کار لە پارکەکە کراوە و خراوەتەوە خزمەتی هاوڵاتیان.

– گۆڕینی بلاجکتۆری پارک و چاککرنەوەی سیستەمی روناکی سەرجەم شوێنەکانی ناو پارک.

– گۆڕینـی پاککردنـەوەی شوێنی ئاودەستـەکان و بە سبوغ کـردنی و دانانی دەسـت شۆر و تازە و دانانی سیستەمی کارەبا لەناو (w.c) پاڕکە.

– ســبوغ کردنـەوەی دەرگـای دەروازەی پـارک و سبوغ کردنەوەی کورسیەکانی ناو پارک و نەهێشتنی کەمکوڕیەکان.

– دانانی هێمای رێـنمایی ژینگەیی و هێمای (w.c) لەناو پارک.

– دانانی سێتی (تێنس) وەرزشی دوو دانە.

پـارکی باداوە دەکـەوێتە سـنوری شـاروانی چوار رووبەری سەوزاییەکەی 15 دۆنمە و بە شەش هەزار و 780 دار و دەوەن سەوزکراوە، پارکەکە لە ساڵی 2012 کراوەتەوە.

پارکی باداوە دەکەوێتە گەڕەکی باداوە لە هەولێر و سیمایەکی جوانی بەگەڕەکەکە داوە ئەمە جگە لەوەی کە دەمەوئێوارەی لێهات منداڵ و گەنج و پیری ئەو گەڕەکە و تەنانەت رێبوارانیش روودەکەنە پارکەکە بۆ پشوودان و بەسەربردنی کاتێکی خۆش.