نرخی نەوت کەمێک بەزبووەوە

توانا نەقی

هەرچەندە ئەمڕۆ نرخى نەوت کەمێک بەرزبوونەوەى بەخۆیەوە بینیوە، بەڵام هەر لە خوار 80 دۆلارەوەیە.

کەمبوونەوەى خواستى جیهانى چین و گرژییەکان لە رۆژهەڵاتى ناوەڕاست دوو لە بنەما سەرەکییەکانى دابەزینى نەوتن و کە وای کردووە ماوەیەکە نرخی نەوت 80 دۆلار بەخۆیەوە نەبینێت

به‌گوێره‌ی بۆرسه‌ی جیهانی وزه‌، بۆ ئەمڕۆ پێنجشەممە نرخی نه‌وتی خاوی برێنت، بۆ هه‌ر بەرمیلێک نەوت بەڕێژەى 0.13% بەرزبووتەوە و بووە بە 78 دۆلار و 78 سەنت.

نرخی به‌رمیلێك نه‌وتی خاوی رۆژئاوای ته‌كساسی ئه‌مریكاش 0.16% سەنت لە نرخه‌كه‌ی بەرزبووەتەوە و گه‌یشتوه‌ته‌ 74 دۆلار و 68 سه‌نت.

شرۆڤه‌كارانی كۆمپانیای راوێژكاری وزه‌ی ئێف جی ئێی رایانگه‌یاندوه‌، ئه‌و زانیارییه‌ ئابورییانه‌ی ئه‌مریكا كه‌ لە هەفتەی رابردوودا بڵاویكردونه‌ته‌وه‌ بۆ هێوركردنه‌وه‌ی ترسه‌كان وه‌كو پێویست یارمه‌تیده‌ر نه‌بووه‌ بۆ راگرتنى نرخى نه‌وت.