دیمەنێکی شاری سلێمانی
چەند چالاکییەک ئەنجام دەدرێت
تەمەنی شارە حەیاتەکە بووە 242 ساڵ
کوردستان جەلال
ئەمڕۆ 14.11.2026 تەمەنی سلێمانی، شارە حەیاتەکە و شاری هونەر و رۆشنبیری بووە 242 ساڵ.
سلێمانی لە رۆژی 14.11.1784 لەسەر دەستی ئیبراهیم پاشای بابان بونیادنراوە.
شێرکۆ بێکەسی شاعیر لەبارەی سلێمانییەوە دەڵێت:
لە دارەشمانە ئەستێرەیەک لەدایکبوو
لە قەڵاچوالان بوو بە مانگ
مانگ هاتە خوارێ بۆ دەشتایی نێوان گۆیژە و گڵەزەردە
لە بەهارێکا خۆر حەزی لێکرد و هانی
لەدوای نۆ وەرز لە مەڵکەنی مانگ ژانی گرت و کوڕێکی بوو
برایم پاشاش ناوی لێنا سلێمانی!
سلێمانییەکان ساڵانە لەمڕۆژەدا بە چالاکیی جیاواز یادی بونیادنانی شارەکەیان دەکەنەوە.
چەند شوێنێکی شارەکە بووەتە سیمبول و ناسنامە، لەوانە بەردەرکی سەرا، شەقامی سالم و سەهۆڵەکە، لای سینەماکان و مزگەوتی گەورە، قەیسەری نەقیب و بەلەدیەکە، مەولەوی و چەندین شوێنی دیکە، بەجۆرێک بوونەتە سیمبول کاتێک کەسێک لە دەرەوەی سلێمانییەوە سەردانی شارەکە دەکات، ئەگەر نەچێتە یەکێک لەو جێگایانە بە سەردانی نازانێت!
یان دەبێت کە سەردانی سلێمانیت کرد بچیتە گۆیژە و ئەزمەڕ و تێر لە سیمای شارەکە لەو بەرزییەوە بڕوانیت.
سلێمانی چەند نازناوێکی وەک شارە حەیاتەکە، شاری رۆشنبیری، شاری هەڵمەت و قوربانی هەڵگرتووە.