گەڕانەوەی ئاوارەکان لە دهۆکەوە بۆ ناوچەکانیان. وێنە: وەزارەتی کۆچ و کۆچبەرانی عێراق.
لە هەولێرەوە
دەیان خێزانی ئاوارە پاش وەرگرتنی چوار ملیۆن دینار گەڕانەوە زێدی خۆیان
964+
ژووری هەواڵ
لە کەمپێکی هەولێرەوە 517 ئاوارەی دیکە، کە خەڵکی پارێزگاکانی کەرکوک و نەینەوا بوون، پاش وەرگرتنی هاوکارییەکان گەڕانەوە زێدی خۆیان.
ئەمڕۆ سێشەممە 27.8.2024، ئیڤان فایەق وەزیری کۆچ و کۆچبەرانی عێراق رایگەیاند، زیاتر لە 500 ئاوارەی دیکە لە کەمپی دێبەگە لە هەولێرەوە گەڕانەوە زیدی خۆیان لە پارێزگاکانی نەینەوا و کەرکوک و سەڵاحەدین.
ئەو ئاوارانەی کە گەڕانەوە، بۆ هەر خێزانێک بڕی چوار ملیۆن دینار هاوکاریی داراییان وەرگرتووە.
بە وتەی وەزیری کۆچ و کۆچبەرانی عێراق، گەڕانەوەی ئەو ئاوارانە ئاماژەیە بۆ بەردەوامی هەوڵەکان بۆ گەڕاندنەوەی سەرجەم ئاوارەکانی نێو کەمپەکانی هەولێر و کەمپەکانی دیکەی هەرێم.
دوێنێش، زیاتر لە 130 خێزانی ئاوارە لە کەمپی ئیسیان گەڕانەوە بۆ قەزای شەنگال، بەڕێوەبەری کۆچ و کوچبەرانی دهۆکیش وتی، ئێستا نزیکەی دوو هەزار و 350 خێزانی ئاوارە لە کەمپەکان دا نیشتەجێن.
