دوای نزیکەی حەوت کاتژمێر
ئاگرەکەی پێشانگاکانی جوانکاری ئۆتۆمبێل لە هەولێر کۆنترۆڵکرا
+964
پەری ساڵح
دوای نزیکەی حەوت کاتژمێر ئاگری پێشانگاکانی جوانکاری ئۆتۆمبێل لە شەقامی 60 مەتری هەولێر بە هەوڵی چڕوپڕی تیمەکانی بەرگری شارستانی کۆنترۆڵکرا.
شاخەوان جاف وتەبێژى بەرگرى شارستانى هەولێر بە 964ـی راگەیاند، ئاگری پێشانگاکانی جوانکاری ئۆتۆمبێل لە شەقامی 60 مەتری هەولێر بەتەواوی کۆنترۆڵکراوە..
ئالان حەمەدئەمین پەیامنێری 964 وتی، ئاگرەکە لە نهۆمی دووەم و سێیەمدا بوو، نهۆمی یەکەمی بیناکە کە لە چەند دوکانێک پێکهاتبوو هیچ ئاگری تێدا نەکەوتەوە، بەڵام بەهۆی مەترسی لە گەورەیی ئاگرەکە، بەشێک لە دوکاندارەکانی چواردەوری کەلوپەلەکانیان گواستەوە.
کاتژمێر 11.00ـی شەوی رابردوو، وتەبێژى بەرگرى شارستانى هەولێر رایگەیاند، کە ئاگرێک لە شەقامى 60 مەترى هەیە، تا ئێستا هۆکاری کەوتنەوەی ئاگرەکە و زیانەکانی ئاشکرا نەکراون.
ئاگرێک لە شەقامى 60 مەترى کەوتووەتەوە
