هەواڵەکانى ئەمڕۆ
سودانى لە بارەى موچەوە بڕیارێکى داوە و کڵاوەکەش پۆلیسەکەى کەرکوکى رزگار کرد
+964
ژووری هەواڵ
دواى زیاتر له 50 رۆژ له دابه‌شكردنى موچه له‌هه‌رێمی كوردستان، ئێستا له به‌غدا بڕیارێك دراوه موچه‌كه سه‌رف بكرێت، به‌ڵام بۆ ته‌واوى فه‌رمانبه‌ران نا، به‌ڵكو ته‌نیا ده‌زگا ئه‌منى و سه‌ربازییه‌كان ده‌گرێته‌وه.
"سودانى بڕیاریدا تەوجیە بدات بە سەرفکردنى موچەى دەزگا ئەمنى و سەربازییەکان"
ماوه‌ى سێ ساڵه خه‌ڵكی بالیسان خواخوایان بوو رێگا گشتییه‌كه‌یان بۆ قیڕتاو بكرێت، ئێستاش كه به‌شێكى قێرتاوكراوه و ماوه‌یه‌كی كه‌م به‌سه‌ریدا تێپه‌ڕیوه به‌رزى و نزمى له رێگاكه دروستبووه و ده‌ڵێن قیڕه‌كه‌ى به‌كه‌ڵك نایه‌ت.
قیرە نوێکەی رێگای بالیسان بە دڵی شۆفێران نییە
چه‌ند رۆژێك له‌مه‌وبه‌ر دیمه‌نى ئه‌و پۆلیسه‌ى كه‌ركوك كه له كاتى لادانى زێده‌ڕۆییه‌كان پایه‌یه‌كى كۆنكرێتى به‌سه‌ردا كه‌وت، دیمه‌نه‌كه‌ش له‌لایه‌ن 964 وێنه‌ى گیرابوو دواتر هه‌رچى میدیاى كوردى و عێراقی هه‌بوو ئه‌و دیمه‌نه‌یان بڵاوكرده‌وه، ئێستا ده‌ركه‌وتووه كه كڵاوه‌كه‌ى سه‌رى ، پۆلیسه‌كه‌ى له مردن رزگار كردووه.
کڵاوەکەی سەری فریادڕەسی پۆلیسەکەی کەرکوک بوو
به‌شێكی هاوڵاتیانى خورماڵ نیگه‌رانیان ده‌ربڕیوه له‌به‌رامبه‌ر دانانی چه‌ند ستوونێکی کارەبا لە ناوه‌ڕاستى شۆسته‌ى كۆڵانێك و ده‌ڵێن، ناوچه‌كه‌یان گه‌شتیارییه‌و ناكرێت دانانى ستوونى كاره‌با به‌مشێوه‌یه دیمه‌نى قه‌زاكه‌یان ناشیرین بكات.
