خۆپاراستنی تەندروستی سلێمانی: هەموو تووشبووانی کۆلێرا چاکبوونەتەوە

964+

ژووری هەواڵ

بەڕێوه‌بەری خۆپاراستنی تەندروستی سلێمانی رایگەیاند، هەموو ئەوانەی کە تووشی کۆلێرا ببون چاکبوونەتەوە و رەوانەی ماڵەوە کراون.

ئەمڕۆ یەکشەممە 25.8.2024، رزگار عەلی، بەڕێوه‌بەری خۆپاراستنی سلێمانی لە کۆنفرانسێکی رۆژنامەوانیدا رایگەیاند، لەم ماوەیەکدا هیچ کەسێک بە سکچوون و رشانەوە و کۆلێرا گیانیلەدەستنەداوە و ئەوانەشی کە تووشی کۆلێرا ببون چاکبوونەتەوە و نێردراونەتەوە ماڵەوە.

بە وتەی بەڕێوه‌بەری خۆپاراستنی سلێمانی ژمارەیەک حاڵەتی گومانلێکراوی تووشبوون بە کۆلێرا هەن و ئەمڕۆ یەکشەممە نمونەی پشکنینەکانیان رەوانەی بەغدا کراون بۆ دڵنیابوونەوە.

“پێشوەخت پلانمان داناوە بۆ رووبەڕووبوونەوەی کۆلێرا… تیمێکی رووبەڕووبوونەوەی نەخۆشییەکەمان پێکهێناوە و زیاتر لە 200 کارمەند کار لەم بوارەدا دەکەن”، بەڕێوه‌بەری خۆپاراستنی سلێمانی وای وت.

دوێنێ شەممە 24.8.2024، بریکارى وەزارەتى تەندروستى هەرێم، تۆمارکرنى هەشت حاڵەتى کۆلێرای لە سلێمانى بۆ 964 پشتڕاست کردەوە.

کۆلێرا چییە و چۆن بڵاودەبێتەوە؟