ئیسرائیلییەکان چوونە سەر سندوقەکانی دەنگدان و هاری کەینيش باڵۆن دۆری بردەوە

ژووری هەواڵ

هیچ خۆت هیلاک مەکە لە چەند شوێنێکی جیاواز بەدوای هەواڵدا بگەڕێی لە دوێنێ شەوەوە تا ئەم بەرەبەیانە هەرچییەک روویداوە کورت و پوخت لێرە بیخوێنەوە:

📌کاتژمێر 7:00ـی بەرەبەیانی ئەمڕۆ ئیسرائیلییەکان لە یەکەم هەڵبژاردنی پەرلەمانیدا چوونە سەر سندووقەکانی دەنگدان؛ کێبڕکێیەک کە بۆ پێکهێنانی کابینەی نوێیە و رەنگە چارەنووسی سیاسیی ناتەنیاهۆ یەکلایی بکاتەوە.

📌رۆیتەرز: سوریا هاتوچۆی گەشتیاران و بارهەڵگرە بازرگانییەکانی لە هەردوو لاوە لە دەروازەی سنووریی “نەسیب” لەگەڵ ئوردن راگرت.

📌هاری کەینی ئەستێرەی ئینگلیزی و هێرشبەری بايرن میونشن، دوای وەرزێکی ناوازە لەگەڵ یانەکەی و هەڵبژاردەکەی، خەڵاتی “باڵۆن دۆر”ـی وەک باشترین یاریزانی جیهان بۆ ساڵی 2026 بەدەستهێنا.

📌سعودیە رایگەیاند کە بەرەبەیانی ئەمڕۆ، چوار درۆنی حـ.*وسـ*ییەکانی تێکشکاندووە کە ئاڕاستەی ناوچەکانی باشووری وڵاتەکەی کرابوون.

📌ئەردۆغان: ئەو کاردانەوانەی رێککەوتنە دەریاییەکەمان لەگەڵ لیبیا رەتدەکەنەوە، هیچ بنەمایەکی یاساییان نییە و لە رۆژهەڵاتی دەریای ناوەڕاستدا، لەسەر حیسابی هیچ لایەنێک بەدوای دەستکەوتدا ناگەڕێین.

📌ترەمپ دەربارەی ئێران رایگەیاند: ئێرانییەکان کەسانێکی زۆر ژیرن و چەکی باش دروست دەکەن، بەڵام ئێمە تێکمان شکاندن و شکستێکی قورسمان پێهێنان

📌دۆناڵد ترەمپ: رێککەوتنی کاتیی ئاگربەست لەگەڵ ئێران تەنیا “کات بەفیڕۆدان” بوو و هەر لە سەرەتاشەوە لەگەڵیدا نەبووم.

📌دەستەی ئۆپەراسیۆنە بازرگانییە دەریاییەکانی بەریتانیا (UKMTO) بڵاویکردەوە، کەشتییەک بە دووریی نزیکەی 100 كیلۆمه‌تر لە باشووری رۆژهەڵاتی شاری فاوی عێراق، لە کەنداودا ئاگری گرت.

📌سەرەڕای ناڕەزایەتییەکانی فلاڤیۆ بۆڵسۆنارۆ و داواکردنی بۆ هەڵوەشاندنەوەی ئەنجامەکان، پارتە لیبڕاڵەکەی لە بەرازیل دانینا بە بردنەوەی لولا دا سیلڤا بۆ چوارەمین خولی سەرۆکایەتی.

📌ترەمپ دوای دۆڕانی کوڕەکەی بۆڵسۆنارۆ، هەڵبژاردنی سەرۆکایەتیی بەرازیل و بردنەوەکەی لولای بە “ساختەکراو” وەسف کرد.

📌درەنگانی دوێنێ شەو لە هێرشێکی مووشەکیی رووسیا بۆ سەر کیێڤ، لانیکەم کەسێک کوژرا و چەندین کەسی دیکە لەنێویاندا دوو فریاگوزار بریندار بوون و زیانی گەورەش بەر زانکۆیەک و چەندین باڵەخانەی مەدەنی کەوت.

📌بۆ گەیاندنی هاوکاری و دەربازکردنی هاوڵاتییان، رووسیا و ئۆکراینا لەسەر ئاگربەستێکی کاتی لە دەوروبەری شارۆچکەی “ئۆلیشکی”ـی ژێر دەسەڵاتی رووسیا رێککەوتن.