تەندروستی سۆران بۆ جاری سێیەم داوای 10 ئەمبوڵانس دەکات

ژووری هەواڵ

بەڕێوەبەرایەتی گشتی تەندروستی سۆران بۆ جاری سێیەم داوا لە کۆمپانیاکان دەکات بەشێوەی تەندەر 10 ئۆتۆمبێلی فریاکەوتنیان بۆ دابینبکەن و نوسراوی لەو بارەیەوە بڵاوکردووەتەوە.

لە نوسراوەکەی تەندروستی سۆراندا هاتووە، دەبێت ئەمبوڵانسەکان لەجۆری تۆیۆتا هایس، گێڕ عادی بن و هەر کۆمپانیایەک رەزامەندە با سەردانی بەشی یاسا و گرێبەستەکان بکات.

پێویستە کۆمپانیای دابینکەر بڕی 50 ملیۆن دینار بدات بەشێوەی دەستەبەری بانکی و پشتگیری ئەستۆپاکی بەڕێوەبەرایەتی باجی دەرامەت بهێنێت بۆ ساڵی 2024.

مەرجێکی دیکە ئەوەیە، دەبێت کۆمپانیا پشتگیری بەڕێوەبەرایەتی تۆمارکردنی کۆمپانیاکانی پێبێت و مۆڵەتی کارکردنی بازرگانی و دابینکردنی ئۆتۆمبێلیان هەبێت و تایبەتمەند بن بەو کار.

پێویستە توانای دارایی کۆمپانیاکە 100 ملیۆن دینار بێت، تەندروستی سۆران وا دەڵێت.