ئەمڕۆش جەوەکە کەمێک فێنک دەبێ بەڵام سبەی گەرمی دەکاتەوە
زۆربەی ناوچەکان لەخوار 40 پلەوەن
ئەمڕۆش جەوەکە کەمێک فێنک دەبێ بەڵام سبەی گەرمی دەکاتەوە
شۆڕش قادری
دوای گەلاوێژ کەوتن، یەک دوو رۆژە جەوەکە کەمێک فێنکی کردووە و ئەمڕۆش هەروا دەبێت، بەڵام سبەی دیسان گەرمی دەکاتەوە.
وەک کەشناسی کوردستان پێشبینی کردووە، ئەمڕۆ چوارشەممە 19.8.2026 ئاسمان بە گشتی ساماڵ دەبێت و پلەی گەرماش لە زۆربەی ناوچەکان لە خوار 40 پلەی سیلیزییەوە دەبێت، جگە لە ناوچە گەرمەسێرەکان.
بۆ سبەی پێنجشەممە کەشەکە کەمێک گەرمتر دەبێت و پلەی گەرما یەک بۆ دوو پلە بەرزدەبێتەوە.
بەرزترین پلەی گەرمای پێشبینیکراو بەپلەی سیلیزی بۆ ئەمڕۆ؛
هەولێر: 39 پلەی سیلیزی
سلێمانی: 36 پلەی سیلیزی
دهۆک: 37 پلەی سیلیزی
هەڵەبجە: 39 پلەی سیلیزی
کەرکوک: 41 پلەی سیلیزی