نرخی بەنزینی نۆرماڵ لە هەولێر بەرزبووەوە

+964

شۆڕش عەبدوڵا – هەولێر

لە ماوەی دوورۆژی رابردووەوە بۆ ئەمڕۆ نرخی بەنزینی نۆرماڵ لە هەولێر بەشێوەیەکی بەرچاو بەرزبووەتەوە، لە 60 تاوەکو نزیکەی 100 دینار چووەتە سەرنرخەکەی بۆ هەر لیترێک.

پەیامنێری 964 سەردانی ژمارەیەک بەنزینخانەی ناو هەولێری کردووە و دەڵێت بەڵێ نرخی بەنزینی نۆرماڵ بەرزبووەتەوە.

ئەو بەنزینخانانە بۆ 964 دەڵێن رۆژی سێشەمەی رابردوو واتە پیرێ نرخی یەک لیتر بەنزینی نۆرماڵ 850 دینار بووە بەڵام ئەمڕۆ بەرزبووەتەوە بۆ 910 دینار لە هەندێک بەنزینخانەش تا 925 دینار بەرزبووەتەوە.

خاوەنی یەکێک لە بەنزینخانەکان بە 964ـی وت، دوو هۆکاری سەرەکی هەیە بۆ گرانبوونی نرخی بەنزینی نۆرماڵ یەکێکیان ئەوەیە لۆدێکی زۆر لەسەر کۆمپانیای کار هەیە کە دابینەکەرێکی زۆری بەنزینە، هەروەهاش دوەمیان داخستنی ژمارەیەک پاڵاوگەی نایاساییە لە سنووری هەولێر.

وتیشی،  بەڵام ئەوە بەشۆفێران دەڵێن نرخی بەنزینی نۆرماڵ  لەوە زیاتر بەرزنابێتەوە رەنگیشە داببەزێت.

پێداچوونەوە: توانا نەقی

لە سلێمانی بەنزین گران بوو