دیمەنی یەکێک لەوحاڵەتانەی کە ئەنگوستیلە لە پەنجە گیری کردووە.وێنە. نەخۆشخانەی رۆژئاوای هەولێر
لە ماوەی دوومانگدا لە نەخۆشخانەی رۆژئاوای هەولێر
68 کەس ئەڵقە و ئەنگوستیلە لە لە پەنجەیان گیر بووە و رزگار کراون
+964
توانا نەقی
لە نەخۆشخانەی فریاکەوتنی رۆژئاوای هەولێر لە ماوەی دوومانگدا نزیکەی 70 کەس ئەڵقە و ئەنگوستیلە لە پەنجەیان گیربووە و براونەتە نەخۆشخانەکە.
ئەمڕۆ سێشەممە، نەخۆشخانەی فریاکەوتنی رۆژئاوای هەولێر بڵاویکردەوە، توانیویانە تەنیا لە ماوەی دوومانگدا 68 هەشت حاڵەتی گیر بوونی ئەڵقە و ئەنگوستیلە لە پەنجە دەربهێنن.
دەشڵێت، تیمی نەشتەرگەری بچوک و گەورە بەشدار بوون لە دەرهێنانی و بڕینەوەی ئەو کەرەستانە کە لە پەنجەی ئەو کەسانەدا بوون.
بە پێی ئەو وێنانەی نەخۆشاخنەکە بڵاویکردووەتەوە حاڵەتەکان هەم ژن و هەم پیاویشی تیادابووە کە ئەڵقە و ئەنگوستیلە لەدەستیان گیری کردووە و بۆیان دەرهێنراوە.
