نزیكەی 250 ماڵ لە پڕۆژەیەكی خزمەتگوزاری سوومەند دەبن

964+

ئەرسەلان عەبدوڵا

وەزارەتی شارەوانیی هەرێم رایگەیاند، پڕۆژەیەكی خزمەتگوزاری لە هەریر جێبەجێ دەكرێت و نزیكەی 250 ماڵ لێی سوودمەند دەبن.

كارەكە لە چوارچێوەی پلانی شارەوانیی هەریرە بۆ پەرەپێدانی پڕۆژەكانی شارەوانییەكە، كە پڕۆژەیەكی گەورەی خزمەتگوزارییە لە شارۆچكەی هەریر لە سنووری پارێزگای هەولێر جێبەجێ دەكرێت.

پڕۆژەكە لە گەڕەکی فرەنسۆ هەریری لە سنووری سەرۆکایەتیی شارەوانیی هەریر بە بڕی 800 ملیۆن دینار لەسەر بودجەی پەرەپێدانی پارێزگای هەولێر و بە سەرپەرشتیی تیمەكانی شارەوانی جێبەجێ دەكرێت.

وەزارەتی شارەوانی دەڵێت، پڕۆژەكە پێكهاتووە لە قیرتاوکردنی رێگەی سەرەکی و کۆنکریتکردنی کۆڵان و دانانی ئاوەڕۆ و تۆڕی ئاو.

ئاماژە بەوەش كراوە، پڕۆژەكە بریتییە لە قیرتاوكردنی شەقامێكی سەرەكی و كۆنكرێتكردنی 8 كۆڵان و دانانی قاڵبی كربستۆن كە نزیكەی 250 ماڵی ئەو شارەوانییە لێی سوودمەد دەبن.

حكومەت رووی لە دهۆكە و سبەی چەند پڕۆژەیەك دەستپێدەكەن