لە خورماتوو
هاوڵاتیەک لەلایەن برای خێزانەکەیەوە بەر چەقۆدرا و گیانی لەدەست دا
+964
سیروان خورشید
دوای نیوەڕۆی ئەمڕۆ دووشەممە، لەگەڕەکی کۆماری خورماتوو، هاوڵاتیەک دەچێتە ماڵی خەزوری بەمەبەستی هێنانەوەی هاوسەرەکەی، بەڵام لە لایەن برای هاوسەرەکەیەوە دەبێتە دەمەقڵەیان و پاشان بەر چەقۆی دەدات و دەست بەجێ گیانی لەدەستداوە
روداوەکە لەنزیک بنکەی پۆلیسی کۆماری قەزای خورماتوو رویداوە.
عەمید حوسێن عەلی، بەڕێوەبەری پۆلیسی گشتی خورماتوو بە 964ـی وت، “ئاگادارکراینەوە لەگەڕەکی کۆماری قەزاکە حاڵەتێکی کوشتن رویداوە و دوای گەشتنیان بەشوێنی روداوەکە، دەرکەوتووە کە بەهۆی کێشەی خێزانیەوە هاوڵاتیەک مێردی خوشکەکەی خۆی بەرچەقۆ داوە و کوشتویەتی”.
وتیشی، لێکوڵینەوە لە رووداوەکە دستیپێکردوە و بکوژ هەڵاتووە، ئەو پیاوەی کوژراوە تەمەنی 30 ساڵە و ماوەیەکە لەگەڵ هاوژینەکەی ناکۆکن و ئەمڕۆش چووە بەدوایدا و لەلایەن برای هاوژینەکەیەوە بەر چەقۆ دراوە و چەقۆیەک بەر دڵی کەوتوە و دەست بەجێ گیانی لەدەستداوە.
بڕیاریشە تەرمەکەی لەنەخۆشخانەی خورماتووە رەوانەی پزیشکی دادی کەرکوک دەکرێت.
پێداچوونەوە: توانا نەقی
