رێگای پردی هەنجیرە لە نێوان چەمچەماڵ و سەنگاو _ وێنە: قایمقامیەتی چەمچەماڵ
خاو بڕۆن
پردەکەی کانی هەنجیرە کە دەچێ بۆ چەمچەماڵ دادەخرێ
964+
ئەحمەد مستەفا
بە کاتی رێگەی سەر پردی کانی هەنجیرە لە نێوان ناحیەی سەنگاو و قەزای چەمچەماڵ دادەخرێت، رێگاوبانی چەمچەماڵ دەڵێت، “لە تەنیشت پردەکە رێگەیەکی کاتییان دروست کردووە”.
شۆفێران با ئاگاداربن و خاو بڕۆن، “ناتوانن لەسەر پردەوەکەوە هاتوچۆ بکەن”.
ئەمڕۆ دووشەممە 19.8.2024، لە ئاگادارییەکدا بەڕێوەبەرایەتی چاککردن و پاراستنی رێگاوبانی چەمچەماڵە کە قایمقامیەت لە ئەکاونتی خۆی بڵاوی کردووەتەوە، دەڵێت، “هاوڵاتیان و شۆفێران و هەموو ئەوانەی رێگای چەمچەماڵ – سەنگاو بەکاردەهێنن ئاگادار دەکەینەوە، لە ئێستادا سەرقاڵی چاککردنەوە و فراوانکردنی پردی هەنجیرەین”.
ئەو بەڕێوەبەرایەتییە داخستنی رێگاکەی راگەیاندووە و باسیلەوەکردووە، “رێگای کاتیمان بە هاوشانی پردەکە دروست کردووە و رێگای سەر پردەکە دادەخرێت بە شێوەی کاتی”.
داوای کردووە لە شۆفێران، پابەندی رێنمایەکانی هاتوچۆ بن بە تایبەت لە سەرەتا و کۆتایی رێگای لادانی کاتی بۆ دووربوون لە حاڵەتی نەخوازراو.