دیمەنی دوو کەروێشکی راوکراو لەگەڵ تاپڕێک.وێنە.پۆلیسی دارستان و ژینگەی گەرمیان
لە گەرمیان
راوچیەک دەستگیرکرا و بەدوای دووانی دیکەشدا دەگەڕێن
+964
توانا نەقی
بەرەبەیانی ئەمڕۆ 13.8.2024 سێ راوچی لە سنووری نەحیەی مەیدان لە گەرمیان سەرقاڵی راوکردن بوون و دوو کەروێشکی کێویان راوکردبوو، بەڵام کەوتنە بۆسەی پۆلیسی دارستان و یەکێکیان لێ دەستگیر کراوە و دوانیان هەڵاتوون.
ئەمڕۆ سێشەممە، پۆلیسی دارستان و ژینگەی گەرمیان بڵاویکردەوە، ئەو راوچیانە کەوتوونەتە بۆسەی مەفرەزەکانی پۆلیسی داراستانی مەیدانەوە و ویستوویانە هەڵبێن بەڵام دانەیەکیان دەستگیر کراوە.
دەشڵێت، ئۆتۆمبێلی راوچیەکان تایەی ئۆتۆمبێلەکەیان تەقیەوە و دوو لە راچیەکان هەڵاتوون دەستیشگیراوە بەسەر ئۆتۆمبێلەکەیان و ئەو کەروێشکانەی راویان کردووە لەهەڵ تاپڕێکدا.
ئەو تۆمەتبارەی دەستگیر کراوە بە بڕیاری دادوەر تا رۆژی 27.8.2024 راگیراوە و فەرمانی گرتنیش بۆ ئەو دووانەی دیکە دەرچووە.
