964+
لە دواى کوژرانى هەنییە یەکەمجارە بگاتە ئەو ئاستە
نرخى نەوت لە سەرووى 81 دۆلارە
964+
وریا فەتاح
ئەمڕۆ سێشەممە، نرخی نەوت لە بازاڕەكانی جیهان بەراورد بە ئێوارەى دوێنێ دابەزیوە، بەڵام 80 دۆلارى تێپەڕاندووە و بەراورد بە دوێنێ بەیانى بەرز بووەتەوە.
بۆ ئەمڕۆ بەرمیلێک نەوتی خاوی برێنت بە 81.75 دۆلار مامەڵەی پێوە دەکرێت و هەروەها نرخی بەرمیلێك نەوتی تێكساس 79.59 دۆلار مامەڵەی پێوە دەكرێت.
ماوەى دوو هەفتەى رابردوو نرخی بەرمیلێك نەوت نزیكەی 82 دۆلار بوو، بەڵام گۆڕانكارییەكان و قەیران و تەنگژە سیاسییە جۆراوجۆرەكان، بە تایبەتی لە رۆژهەڵاتی ناوەڕاست، كاریگەریی لەسەر بازاڕی نەوت دروست كردووە و نرخەكەی تا 75 دابەزاند.
هەروەها بە شێوەیەكی سەرەكی وەك ئاژانسەكانی هەواڵی ئابووری باسی لێوەدەكەن، بۆ ئەوە دەگەڕێتەوە چین هاوردەكردنی نەوتی كەمكردووەتەوە.
دواى کوژرانى هەنییە، ئەوە یەکەمجارە نرخى نەوت 80 دۆلار تێدەپەڕێنێت.
