964+
لە نزیک تەکیەى کاکەمەند
لە رووداوێکى هاتوچۆدا پێنج کەس بریندار بوون
وریا فەتاح
لە رووداویکى هاتوچۆدا پێنج کەس بریندار بوون و رەوانەى فریاکەوتنى چەمچەماڵ کراون.
شەریف رەحیم، جێگرى بەڕێوەبەرى تەندروستى چەمچەماڵ بە 964ـى وت، کەمێک پێش ئێستا لە نزیک تەکیەى کاکەمەند رووداوێکى هاتوچۆ لە نێوان بارهەڵگرێکى ئۆتۆمبێلێکى تایبەت روویداوە و بەهۆیەوە پێنج کەس بریندار بوون.
باسى لەوەشکرد، یەکێک لە بریندارەکان گەنجیکى لە دایکبووى ساڵى 2005 و چوار بریندارەکەى دیکەش ژنن.
وەک باسى دەکات، ئێستا لە فریاکەوتنى چەمچەماڵ چارەسەریان بۆ دەکرێت و مەترسى لەسەر گیانیان نییە.
تەکیەى کاکەمەند ناحیەیەکى سەر بە قەزاى چەمچەماڵە لە سنوورى پارێزگاى سلێمانى کە رێگەى سەرەکى کەرکوک بۆ سلێمانى بەشێکى دەکەوێتە سنوورى ئەو ناحیەیە.