دیمەتی یەكێك لە قوتابخانەكانی سلێمانی. فۆتۆ: 964
44 قوتابخانە ناویان وەك یەكە
لەمەودوا ناوی دووبارە لە پەروەردەی سلێمانی نامێنێت
964+
دیلان محەمەد جەزا – سلێمانی
لە سنووری پارێزگای سلێمانی 44 قوتابخانە ناوەکانیان دووبارەیە، بۆ ئەوەی قوتابیان و هاوڵاتیان لێیان تێکنەچێت پەروەردەی سلێمانی ناوەکانیان دەگۆرێت.
نەژاد عەبدوڵا یاریدەدری بەڕێوەبەری گشتیی پەروەردەی سلێمانی بە 964ـی وت، لە سنووری پەروەردەی پارێزگای سلێمانیدا 44 قوتابخانە و هەشت باخچەی ساوایان ناوەکانیان بەهۆی دووبارەبوونەوە دەگۆڕدرێن.
وتیشی، لە کاتی تاقیکردنەوە وەزارییەکان قوتابیان سەریان لێ دەشێوا و نەیاندەزانی ئەو قوتابخانەیە دەکەوێتە چ ناوچەیەکەوە، لە کاتی دەنگدانیشدا کێشە بۆ دەنگدەران دروست دەبوو.
روونیشیکردەوە، ئەمساڵ لەسەر ئاستی هەر 10 پەروەردەکەی پارێزگای سلێمانی ناوەکان کۆکرانەوە و بڕیاری گۆڕینیان دراوە و ناوەکان لە فەرهەنگی کوردییەوە وەرگیراون.
”لە پەروەردەی سلێمانی فەرمان بۆ سەرجەم پەروەردەکان نێردراوە، بۆ ئەوەی بڕیارەکە جێبەجێ بکەن.” نەژاد عەبدوڵا وای وت.
پێداچوونەوە: ژێوار خدر
