بینای بەڕێوەبەرایەتی کار و راهێنانی پیشەیی هەڵەبجە وینە: سۆشیاڵ میدیا
لە پێناو پاراستنی ژینگە
بەڕێوەبەرایەتیەکی هەڵەبجە بەکارهێنانی پلاستیکی قەدەغە کرد
964+
ژێوار خدر
لە ژێر دروشمی ئێمەی مرۆڤ بەشێکی جودا نین لە ژینگەکەمان بەڕێوەبەرایەتی کار و راهێنانی پیشەیی هەڵەبجە بەکارهێنانی پلاستیکی قەدەغە کرد.
لە راگەیاندراوێکدا کە دوێنێ پێنجشەممە بەڕێوەبەرایەتیەکە بڵاویکردووەتەوە، داوا لە سەرجەم ئەو لایەن و ڕێکخراوانە دەکات کە کاریان لەگەڵدا دەکەن، لەمەودوا بەکارهێنانی پلاستیک بە هەموو جۆرەکانییەوە قەدەغەیە.
لە راگەیاندراوەکەی بەڕێوەبەرایەتییەکەدا هاتووە، لەپێناو پاراستنی ژینگەدا بەکارهێنانی هەموو جۆرە شمەکێکی پلاستیکی وەک دەبە و پەرداخ و قاپی سەفەری لەناو بەڕێوەبەرایەتیەکەدا قەدەغە کراوە و بڕیارەکەش لە بەرواری 1.8.2024ەوە جێبەجێدەکرێت.
