بەشێکی دەرمانەکان کە لە کارتۆن و عەلاگەدا هەڵگیراون وێنە: تەندروستی سۆران
بە شیوەیەکی نازانستی دەرمانیان هەڵگرتووە
لە سۆران کۆگایەکی نهێنی دەرمان و نۆرینگەیەکی پزیشکی داخران
964+
ژێوار خدر
لەلایەن لیژنەی پشکنینی تەندروستی سۆرانەوە، کۆگایەکی نهێنی دەرمان و نۆرینگەیەکی پزیشکی داخران، بەهۆی سەرپێچی کردنی رێنماییەکان.
ئەمڕۆ سێشەممە، بەڕێوەبەرایەتی گشتی تەندروستی سۆران بڵاویکردەوە، لەلایەن لیژنەکانیانەوە لە کواڵیتی کۆنتڕۆڵ و دەرمانسازان ئەو بەدواداچوونانەیان کردووە و ئەو شوێنانەیان سزا داوە.
دەشڵێت، نۆرینگەیەکی یاریدەدەری پزیشکی و کۆگایەکی حەشاردانی دەرمانیان داخستووە، بەهۆی ئەوەی بە شێوەیەکی نازانستی و دوور لە رێنمایی تەندروستی دەرمانەکانیان هەڵگرتبوو.
بەپێی ئەو وێنانەی کە تەندروستی سۆران بڵاوی کردووەتەوە، بەشێکی زۆر لە دەرمانەکان لەناو عەلاگە و کارتۆن دانرابوون کە نابێت بەو شێوازە هەڵبگیرێت هەر ئەوەش بووە هۆی داخستنی شوێنەکە.
