لۆگۆی وەزارەتی دارایی
وەزارەتی دارایی كوردستان
وادەی دابەشكردنی فۆرمی زەوی بۆ خانەنشینان راگەیاندرا
964+
ئەرسەلان عەبدوڵا
بەڕێوبەرایەتیی گشتیی خانەنشینی وەزارەتی دارایی و ئابووریی هەرێمی كوردستان لە ئاگادارییەكدا وادە و مەرجەكانی دابەشكردنی فۆرمی وەرگرتنی زەوی بۆ خانەنشینان ئاشكرا كرد.
بەڕێوەبەرایەتییەكە ئەمشەو رایگەیاند، “لە پێناو بەرژەوەندی و کارئاسانی زیاتر بۆ توێژی خانەنشینان بڕیاردرا وەرگرتنی فۆڕمی دابەشکردنی زەوی لە رێگەی ئەو بانکانەوە بێت، کە موچەی خانەنشینی لێ دابەش دەکرێت.
هاوكات بەڕێوەبەرایەتییەكە وادە و رێنماییەكانی دابەشكردنی فۆرمەكانی دیاریی كردووە، كە بەم جۆرەیە:
1- رۆژی دووشەممە 29.7.2024 فۆڕمەکان لە بانکەکان دابەش دەکرێت.
2- تەنیا ئەو خانەنشینانە دەتوانن فۆڕمەکان وەربگرن کە لە ژیاندا ماون.
3- ئەو خانەنشینانەی فۆڕم پڕ دەکەنەوە نابێت پێشتر بە هیچ جۆرێک سوودمەند بووبن لە وەرگرتنی زەوی.
4- پێویستە فەرمانبەری خانەنشینکراو فۆڕمەکان لە رێگای فەرمانگەی خانەنشینی پەیوەندیدار لە شار و شارۆچکەکان بگەڕێنێتەوە.
