دیمهنێكى تیمەکانی بنکەی ڤێتێرنەری قوشتەپە كه هەڵمەتی کوتانی مەڕوماڵات دژە نەخۆشی تاعون لە گوندی سێبیران عدۆ له قوشتهپه ئهنجامداوه... وێنه: قایمقامیهتى قوشتهپه
لێپرسینهوه لهسهر ههواڵێك دهكهن
ڤێتێرنهرى ههولێر: هیچ حاڵهتێكی تاعون لهناو ئاژهڵى قوشتهپه بڵاونهبووهتهوه
فهرهاد حهسهن
ڤێتێرنهرى ههولێر ئامارێك رهتدهكاتهوه كه چهند رۆژێك لهمهوبهر له 964 بڵاوكراوهتهوه و باس له بوونى نهخۆشی تاعون لهناو نزیكهى 45%ـى مهڕو ماڵاتى سنوورى قهزاى قوشتهپه دهكات و دهڵێت “هیچ حاڵهتێكی نهخۆشی تاعون لهو سنووره نییه”.
رۆژى 20.7.2024 ، د. نهجات سلێمان، وهكو بهڕێوهبهرى بنكهى ڤێتێرنهرى قوشتهپە قسهى بۆ 964 كردووه و ئهم ئامارهشی راگهیاند بوو، بهڵام لهبهرامبهردا د. مامهند محهمهد قادر بهڕێوهبهرى ڤێتێرنهرى ههولێر به 964ـى راگهیاند “ئهو كهسه بهڕێوهبهرى بنكه نیه و بۆشی نییه بهناوى بنكهى ڤێتێرنهرى قوشتهپهوه لێدوان بدات، بۆیه تهواوى ئهو زانیاری و داتایانهى باسی كردووه ههموو رهتدهكرێنهوه”.
باسی لهوهشكردووه، ئهوان لێپرسینهوه لهگهڵ ئهو كهسه دهكهن چونكه ئهوه ئهندامى لیژنهى ئهو بنكهیهى قوشتهپهیه نهك بهڕێوهبهر”.